Paardarshi Lyrics - Lashcurry | MTV Hustle 4
Paardarshi" is a 2024 Hindi rap track performed and written by Lashcurry. The music, co-composed and produced by Aditya Pushkarna, delivers a dynamic fusion of hard-hitting rap and infectious beats. The track was released under the MTV label.
[Chorus]
Mein jaaga, jaaga, jaaga puri raat bhar
Mein bhaaga, bhaaga, bhaaga, pichhe rakshas
Mein jana chahta waha, jaha shanti
Gana-gana gana-gana lagta mujhe shaap ab
Mein jaaga, jaaga, jaaga purii raat bhar
Mein bhaaga, bhaaga, bhaaga, pichhe rakshas
Mein jana chahta waha, jaha shanti
Gaana-gaana gaana-gaana lagta mujhe shaap ab
[Verse 1]
Kahani paardarshi sabhi ka istakbal
Kami kitabo ki, par school gaya basta daal
Kabhi nahi aa paayi dawayi maa ki time par
Aaj maa ki ek khaasi pe ghar bana aspataal
Khubiya chhod woh kamiya batake chale gayi
Samjha tha jindagi, jindagi samjhakar chale gayi
Bola tha ek gaane pe ek peti utha lunga
Woh kisi mahine wale ki tamkhwa par chale gaye
Na talasha mandiro mein, masjeedo mein
Khoya nahi
.
Bandeesho mein hasta tha aur zanzeero mein roya nahi
Lanat hai uss bete par jo chori karke moz
Karta
Baap jiska raat ko chaen se kabhi soya nahi
Naye makaano mein mandir purana yaad kar
Haath jod, aas kar, galtiyo ko maaf kar
Bada dil, bada ghar, lambi gehri saans bhar
Zubana mithi unke, jinke khoon laga daant par
Bro, mein kehna chahta bhot kuchh
Mata-pita bhot khush, sannata dekha, roz dukh
Ata nahi tha likhna ab likhta hoon baate bhot khoob
Moh nahi maya se gaano mein seedhe maut doon
Baat suni mene ghar ki chaar, toh darkinar ni kari kalakari
Padti maar jo jhadti maar ke, tapri paar thae farzi chaar
Todke deeware dhar ki le gaye, thaane mein band hua abki baar
Baap ne bola aulad nahi meri, phir baap ne chhudaya agli baar
Chalte show mein ata call ,papa bole kidhar ho
Jaldi aja ghar pe, mujhe parwa nahi tum jidhar ho
Ab mein jata show pe toh utaar te hai nazar pehle
Ab Mein chadta stage pe, check pe paanch-figure ho
Yeh saari cheeze ek raat mein ni aayi
Mein so gaya bhukha roti khairat mein nahi khayi
Tu kalakar accha hai par mann mein tere khot
Warna accho acho ke safalta hath mein nahi ayi
Cheekhu zor se, deeware mujhe khaa jayegi
Chalta jaa raha, sadak pata nahi kaha jayegi
Aaye din bas jaayedaat ke kagzat pe marpit
Mein ghar ka sabse chhota, mere hisse mein toh maa aayegi
[Interlude]
Hello, mummy
Haan bol jaan, khana khaya beta apne
Haan maan, kha liya
Haan beta ye naach-gaana toh chalta rahega, beta
Thoda apne sehat pe bhi dhyan rakhna beta
Haan ma
Haan aajkal kya hai
Papa ki bhi tabiyat vagera theek nahi rehti hai
Haan maa, mein ab
Karta hoon apko baad mein call, haina
[Verse 2]
Yaah
Dhai mahine baad aya yaad, maa se baat karoon
Par ek malaal, ek sawaal, kahan se start karoon
Kaise bataun kal mein roya poori bhar hoon
Lachaar main, naraaz baap se kya aas rakhoon
Woh kehti mujhe khana khaya tuney
Bola jhoot phir se, kha liya, bahaana aya
Ghar se bahar jata hoon to deti paise mujhe
Maa baap ko boodda hota dekha, tab kamana aya
Badaa banne ke chakkar mein jeevan chhota ho gaya
Mein vyapari ka beta, ghaate ka souda ho gaya
Jo nahi hona tha sang mere, hota woh gaya
Jeevan chhalava, saath mere dhoka ho gaya
Dil mein aandhi leke aya tha, woh jhonka ho gaya
Meri haar pe jashan ka tera mouka ho gaya
Maa bolti thi buri sangat kaam na ayegi
Khayi chot, toh usi pal se bharosa ho gaya
Ye toh beete din ki baat, halaat ab kuchh aur
Ab maa bhi mere saath, papa se sab kuchh sort
Afford mein kar leta, jo bhi chhote-mote shauk
Emotional insaan hain hum rotey-votey bohot
Thaka-haara bohot, bas main nashaa chaah raha roz
Dukh hazam nahi kar pa raha aur na pachaa pa raha krodh
Na bachaa sakaa ye, na bachaa pa raha woh
Tujhe pata meri story phir kyu thassa kha raha, bro
Mazey ke liye nahi chuna tha maine sangeet
Toh kaise rahlun ek din bhi kaam kare bina
Har din mujhe lage ki bache hain mere kamm din
Main khaak agar maraa apna naam kare bina
Baatein meri rooh ko teri aati thi na chhu ke
Main bas kalakaar hoon, toh mujhse jaati bhi na puchhein
Svarth ke liye dooje ko khaai mein gira de
Matlab saanp bhi mar jaye aur laathi bhi na toote
[Chorus]
Mein jaga, jaga, jaga puri raat bhar
Mein bhaga, bhaga, bhaga, pichhe rakshas
Mein jana chahta waha, jaha shanti
Gana-gana gana-gana lagta mujhe shaap ab
Mein jaga, jaga, jaga puri raat bhar
Mein bhaga, bhaga, bhaga, pichhe rakshas
Mein jana chahta waha, jaha shanti
Gana-gana gana-gana lagta mujhe shaap ab
For more lyrics follow :- Theverses.xyz
Agar aapko Paardeshi Lyrics pasand aaya ho toh paardeshi Lyrics ko share jarur kare.
🎵 Song: Paardeshi- MTV Hustle 4
🎤 Singers: Lashcurry